Dawa ka GHYS ban khang noh ïa ki trok ban ïaid na surok Songsak, Nangapa bad Mendipathar

Shillong, Naitung 05: Haba pynpaw ïa ka jingsngewkhia halor ka jingsniew palat bad ka jinglong jingman jong ka surok kaba pynïasoh ïa ka Songsak, Nangapa, bad Mendipathar, ka seng Garo Hills Youth Solidarity (GHYS) ka la kyntu ïa ki bor pynïaid distrik jong ka East Garo Hills district ban khang pyrshah ïa ka jingïaid jong ki trok bad ki kali kit mar khia ha shilynter kane ka surok.
Katkum ka jingong ka seng, ki nongshong shnong ki la ïaibteng ban pynpaw shaphang ki jingeh na ka daw jong ka jingïaid jong ki trok kit palat pud, kynthup ki trok kit dewïong, ki trok kit maw, bad ki trok kit dieng. Kane ka surok ka la dap da ki thliew ki syar bad ka ktieh ka pump um, kaba pynlong ïa ka ïaid ka ïeng kaba eh bha bad ka bym shngaiñ. Ki dkhot jong ki shnong, khamtam ki kynhun kiba tlot kum ki khynnah, ki samla pule bad ki tymmen ki san, ki la mad ki jingeh kaba ki hap ban ïakhun khamtam ban rah ne kit ïa ki mar kiba kongsan, ki la ong.
Ki la kdew ba ka jinglong ba la palat jong ka surok ka la ktah shibun bha ïa ki hok jong ki paidbah, kyrpang ban ïoh ki lad jingsumar bad ka pule puthi, ong ka GHYS bad bynrap ba ka jingdonkam ban khang noh ïa kine ki kali kit khia ki long kiba kongsan bha na ka bynta ka jingïada jingshngaiñ bad ka bha ka miat jong ki paidbah.
Ka seng ka la ong ba lada kine ki trok kiba kit khia ki ïai bteng ban pyndonkam bad ïaid na kane ka surok, kan ym don shuh da kawei pat ka lad ka lynti hynrei ban leit tied noh ïa ka jingkhang jong ka aiñ pyrshah ïa ki bor pynïaid distrik.