Jowai, Jymmang 19: Ka Federation of Khasi Jaiñtia & Garo People (FKJGP) Shangpung Unit kala dawa bad jingkyrpad jur na i Branch Manager jong ka State Bank of India Raliang Branch, Raliang ban buh ïa ka ATM Machine ha ka Shangpung West Jaiñtia Hills District.
Na ka liang ka Seng FKJGP Shangpung Unit, kala pynsngew ïa ka jingdonkam ban don ka ATM Machine ha katei ka shnong kaba la dawa bha mynta ïaki paidbah nongshong shnong bad ïa kiwei de ki shnong ba marjan.
Shuh shuh ka seng kala sngewkhia ha ka jingïadei bad kane ka kam, ïa kaba u paidbah u donkam na ka por sha ka por, ka seng kala ai jingmut lada long kaba lah, ki jaka kiba kham kongsan ban buh, ka long ha ki bynta jong ka Shangpung Mission ne Shangpung Pohshnong (Trekhim).
Ka seng ka kyrmen ba ki bor ba dei peit jong ka State Bank of India kin sngewbha ban shimkhia mardor ïa kane ka jingdawa khnang ban suk ki paidbah haba donkam pisa. Pynkut ka kyrwoh na u President ma Pynbiang Chullet bad u Secretary ma Lakhon Wann.
