Jowai, Naitung 27: Ka “TUR SHAPHRANG” Village Organisation, Lumpyngngad, Amlarem Block, West Jaiñtia Hills, District mynta ka sngi 27 tarik u Naitung kala rakhe ïa ka lyngkhuh dap shisnem jong ka, haka jingïalang ba la pyllong ha madan phutbol jong katei ka shnong Lumpyngngad.
La ïathuh ïa ka VO Lumpyngngad la seng ïa ka haka 27.07.2022 bad la jer kyrteng ka TUR SHAPHRANG, hapoh kane ka VO ki don 5 tylli ki SHG kiba snohkti ban kyntiew ïa ka roi ka par ki nongshong shnong, kita ki long ka SHG Shaniah Tylli, ka SHG Ïateilang, ka SHG Ryntihlang, ka SHG Cjukai Dei Phrang bad ka SHG Khihmon Sngah Jam.
Na ka liang u bah M. Kharpran, Block Project Manager (BPM) Amlarem C&RD Block ula long kum u kongsan ha kane ka sngi, ha ka jingdonlang u symbud kongsan bah Medalin Swer, ki riew paw khmat ka thaiñ kum u Bah W. Chyrmang bad la ïoh jingkren na ki nongkit kam ka VO kong Fitby Syrti, kaba la ai jingpynshai paitbah ïa ka story lyngkot ka VO hapoh ka shisnem,
Shuh shuh kala la ïathuh ba ka VO kala lah ban pyndep haduh 12 tylli ki kam hapoh kane ka snem, naduh ka kam thung dieng, pynkhuid shnong, rekhe Independence Day, ban ai jingïarap ïa kiba donkam ban ïoh jingïarap kum sha ki para shnong para thaw, ban ïarap kum haba don jingthoh shongkurim hapoh shnong, ban peit ïa ka bha ka miat, ka suk ka saiñ hapoh shnong bad kiwei kiwei ki kam ba bha.
La ïoh ruh ka jingkren na u Adviser ka VO u bah C. Talang uba dei haka juh ka por u Waheh Shnong Lumpyngngad, ha kaba la wan pynshit pynsngaid ïa kane ka program da ka jingwan tuid ki nongshong shnong ba marjan kum na Lumpyngngad, Kharkhana, Pasadwar bad kiwei kiwei.
Hashwa ban kut ka jingïalang la ïoh ruh ïa ki kyntien ai khublei da ka kong T. Pohkyrnu bad la pynphuh pynpheiñ ïa kane ka program da ki jingshad jingrwai na ki kynhun SHG bad haka por janmiet pat don ki jingïalehkai kum ka Musical Chair, Arm Wrestling, mareh 100 meter shynrang/kynthei bad kiwei kiwei ki jait jingïalehkai, la pynkhalai ruh ïa ka Lucky Draw ka VO kum ka lad ban pynmih Pisa na ka bynta ki kam ba bha jong kane ka kynhun.
