Dang don jingeh ban pynbeit ïa ka SIR ha ki 6 tylli ki jaka ba don jingïakajia bad ka Assam

Shillong, Nailar 16: Ka jylla Assam bad Meghalaya mynta ki dang don sa hynriew tylli ki thaiñ bad ki jaka kiba dang don ha ka jingïakam bad ïakajia pud kaba mar kylliang ïa kaba ym pat lah ban pynbeit hapdeng kine ki ar tylli ki jylla.
Katkum ki khubor kiba la ïoh ka tnat election commission jong ka Ri India la ong ba ka shem jingeh ban pynbeit ha kane ka Special Intensive Revision (SIR) namar ki nongshong shnong kim shai ha ka jylla aïu ki don ha Meghalaya ne Assam.
Katkum ki lad jingtip kiba la ïoh la ïathuh ba ïa kine ki shnong kiba don hapdeng ka jingïakam kaba mar kylliang hapdeng ka Assam bad Meghalaya ka pynneh kumjuh kum ba ka long khlem da ktah ha kane ka SIR.
Ha kane ka SIR kaba la dep ban pynmih ha ka bui ki nongthep vote ka election commission ka la weng ïa kiba don artylli ki kyrteng bad la buh ba kin don noh tang ha kawei ka jaka kaba ki kwah, hynrei ha kito ki shnong kiba iadon ka jingïakam mar kylliang ka buh ha ka jingeh bad ia kane ka kam lah ban ong ba ka dang don hapdeng ka jingïapynbeit kumno ban pyndep ïa ka.