Shillong, Lber 08 : U Chief Adviser jong u Myntri Rangbah ba dei ruh u General Secretary barim ka KSU , Bah Hamletson Dohling ha ka sngi Thohdieng u la ong ba da lei lei ruh ym dei satia ban ailad ïano ïano ban khyllie biang ïa ka kam tih Uranium ha kane ka jylla.
Ïa kane u la kren hadien ba la phriang ki khubor ba kawei ka kynhun ba tip kum ka North East Sunshine Trust (NEST) ka kwah ban tih ïa u Uranium na Meghalaya.
U Bah Hamlet uba bat mynta kum u Working President ka NPP u la ong ba katei ka kynhun kam dei ban mushlia lane khyllie biang ïa ka lynnong kaba ïadei bad ka ishu tih Uranium ha ka jylla.
“Ka sorkar jylla ka la dep rai ban pynduh pyndam ïa ka jingthmu tih uranium ka UCIL ha Jylla naduh u snem 2016,” u la ong da kaba buh jingkylli artad ïa ka NEST halor ka jingleit tynruh jong ka ïa ka sorkar pdeng ba ka kwah tih Uranium. Ha kajuh ka por u Bah Hamlet u la ïathuh ruh ba wat na ka NPP ruh kin ieng pyrshah bad kin ym ailad da lei lei ruh ban tih Uranium
