Da ki tin sop ïing, noh synñiang ka KSU sha ka longïing ba pluh ding ha Photjaud-Rangthong

Mawkyrwat, Lber 06: Ka Khasi Students Union (KSU) Photjaud Rangthong Unit hynnin ka sngi saitjaiñ ka la leit ban noh synñiang da ki tin sop ïing ïa kawei ka longïing ha shnong Photjaud-Rangthong, South West Khasi Hills District.
Kum ban shu pynkynmaw, ba ka jingleit ban noh synñiang jong ka KSU sha katei ka longïing ka long ba ha ka 27 tarik u Rymphang, 2023 kane ka longïing ka la ngat ha ka jingjia ba sngewsih ba ka ding ka la klang bad bam duh ïa shibun ki jingdon jingem.
Kumta, hadien ba ka seng ka la ïoh jingtip ka la ïoh ban leit jurip mar mar bad hadien kata hapoh ka jingïalam u samla Donaldstone Thongni, Vice President ka KSU Photjaud Rangthong Unit bad u samla Shiningstar Lyngdoh, General Secretary ka KSU Photjaud Rangthong Unit ki la leit ban noh synñiang da ki tin kaba long kum shibynta ban ïa don bynta lem bad ban ïarap ïa kane ka longïing ba mad ïa kane ka apot.
Ka seng kam don ei ei ban ai hynrei tang kum ka dak ban ïasnohkti lang bad kane ka longïing hynrei tang kine ki jingnoh synñiang ba rit eh.
Ha kane ka sngi la ïadonlang ban synran da ki nongïalam ka KSU Mawkyrwat Circle naduh u bah Pauldeep Tongwah, President KSU Mawkyrwat Circle, u bah Malvern Marngar, Asst. Education Secretary KSU Mawkyrwat Circle, ki dkhot jong ka KSU Mawkyrwat Circle, ki dkhot ka KSU Photjaud Rangthong Unit bad kiwei kiwei.