Nongpoh, Nohprah 13: Ka College of Post-Graduate Studies in Agricultural Science (CPGSAS), Umïam, ha ka 10 tarik u Nohprah 2024 ka la pynlong ïa kawei na ka prokram kyrpang ïa ki nongrep bad la sam ruh ïa ki tiar rep sha ki nongrep kiba la shim bynta ha kane ka prokram.
U Dr. Anupam Mishra, Vice Chancellor ka CAU-Imphal ula shim bytna kum u kongsan bad la sakhi lang ruh da ka jingdon lang u Dinesh Kulkarni, National Organizing Secretary ka Bhartiya Kisan Sangh, New Delhi; u Dr. S.K. Dubey, Vice President ka Bhartiya Agro Economics Research Center, New Delhi bad ki Scientist na ICAR-Central Soil Salinity Research Institute, u Dr. V.K. Mishra, Director ka ICAR Regional Centre for NEH Region, Umïam; u Prof. D. Thakuria, Dean of CPGSAS, Umïam; and Prof. Ram Singh, Dean ka College of Agriculture, Kyrdemkulai bad kiwei de.
Ha kane ka sngi, kumba 35 ngut ki nongrep ki la shim bynta ha kane ka prokram ryngkat ki nongtrei na katei ka College. Ha kane ka sngi la sam ruh ïa ki tiar rep sha ki noingrep kiba kynthup kum ka pump, sprayer bad kiwei kiwei ki tiar rep bad ki dawai ban rep na ka bynta ki nongrep.
Nalor kitei ki tiar rep ba la sam sha ki nongrep, la sam ruh ïa ki symbai jhur bapher bapher sha ki nongrep ba la bei tyngka lyngba ka ICAR -IIPR Kanpur.
