Da ki spah ngut pynïasoh ki paidbah Garo sha u kyrtong ka UDP na Langrin Constituency

Mawkyrwat, Rymphang, 16: Da ki spah ngut ki paid Garo ki la pynïasoh sha ka UDP ha Langrin Constituency ha ka jingïalang paidbah kaba la long ha Upper Rajapara, Rajapara, Goltapara ha kaba ki paidbah nongkyrshan ryngkat ki nongïalam jong kine ki jaka ki la wan pynïasnoh pura sha ka UDP ban ai jingkyrshan pura ïa u kyrtong u Bah Pius Marweiñ uba ïakhun ïa ka elekshon sha ka KHAD.
Kum ban shu pynkynmaw ki paidbah garo bad ki nongïalam kiba sah sha ki thaiñ border ki dei ki nongkyrshan radbah jong u MLA barim u Martin M. Danggo hynrei hadien ba u Martin Danggo la leit rung na kawei ka party sha kawei ka party, ki nongïalam bad ki nongkyrshan ki la jlep hi shoiñ ban bud ïa u namar ka jingphet seng jong u kumta ki la leit ban pynïasoh sha ka UDP kaba don ka jingkyrmen ba kan jop ïa kane ka MDC.
Ha kane ka kynti u John D. sangma na ka shnong Khasiadop, South West Khasi Hills District uba dei u kyrtong uba la ïakhun teng ïa ka election MLA na Ranikor Constituency ha u snem 2018 na ka NCP kaba la tip mynta kum ka NPP ha kane ka kynti u la pynïasoh pura sha ka UDP ban ai jingkyrshan pura ïa u Bah Pius Marweiñ uba dei u MLA jong ka Ranikor Constituency.