Da ki Solar Light ai sngewbha ka Rotary Club ïa ka shnong Mawkynroh
![](https://mawphor.com/wp-content/uploads/2022/07/mawphor-1.jpg)
Shillong, Jymmang, 08: Ka Rotary Club Shillong Heritage (RCSH) ha ka sngi Saitjaiñ ka la ai sngewbha da ki Solar Light sha ka shnong Mawkynroh-Umshing, Shillong khnang ban pynshai ïa ka leit ka wan jong ki paidbah ha ka por mynmiet.
Ïa ki Mast Solar Lights ba la ai sngewbha sha ka Dorbar Shnong Mawkynroh-Umshing la aiti da u RI Dist. 3240 Governor Rtn. Dr. Kushanava Pabi ha kaba la sakhi lang da u Rangbah Shnong u Bah Bah L. Nongkhlaw ha kaba la sakhi lang da u Club President Rtn. Dr. Barnali Bhuyan bad u Secretary Rtn. Gayatri Marnie Batkhar lem bad ki nongkitkam jong ka Dorbar Shnong.
Ïa kane ka projek la pyntreikam da ka jingïarap jong ka District Grant of RI 3240 kaba long ka nuska ban ïatreilang hapdeng ki dorbar shnong bad ka Rotary Club of Shillong Heritage bad ka jingbuh thong jong ka Club ban ai jingshakri sha ki shnong bapher bapher.
Saw tylli ki Mast Solar Light la pynieng ha ki jaka ba la pynbeit da ka Dorbar Shnong.