Nongpoh, Risaw 22: Ka Ri-Bhoi District Cricket Association (RBDCA) kala pynbna paidbah ba kan pynlong ïaka prokram Talent Hunt ban iit ïaki khynnah donsap kynthei bad shynrang kiba naduh 10 haduh 16 snem ka rta ha Umran Niangbyrnai, Ri-Bhoi District.
Ïa katei ka prokram la pynlong ryngkat ka jingïatreilang bad ka Seng Samla Shnong Umran Niangbyrnai haka 26 tarik mynta u bnai ha madan ïalehkai ka shnong Umran Niangbyrnai naduh ka por 9 baje mynstep.
Lyngba katei ka Talent Hunt yn jied ruh ïaki khynnah kiba don sap haka jinglehkai kriket ban ioh ïaka lad ban shah hikai naduh ba dang rit, lyngba ki nonghikai bala jied kyrpang kumba ka RBDCA ka don ka jingangnud ban kyntiew ïaka kam lehkai kriket ha Ri-Bhoi District khamtam ban pynmih ïaki rang bad ki thei ïalehkai napoh ka district.
Shuh shuh ha katei ka sngi ba pynlong ïaka talent Hunt, yn wan ruh ban shimbynta ban jied da ki nonghikai ba kynthup ïa u Badonnam Mylliemngap (Level O coach), Laxman Gurung (Level O coach), Shankar Newar (BCCI Level 1 Coach).
