Mairang, 30Nailar: Ka District Sports Officer West Khasi Hills District, Nongstoiñ, ha ryngkat ka jingiatreilang bad ka ophis u Deputy Commissioner Eastern West Khasi Hills District, Mairang, ha ka step jong ka 30 Tarik Nailar, ka la ioh ban pynlong ia ka jing mareh marathon bad ka jingniah saikil, kaba long shi bynta ban shimbynta ha ka jingrakhe ia ka National Sports Day, kaba ia katei ka jingshimbynta la pynlong ha Mairang Eastern West Khasi Hills District bad la sdang na khmat ka ophis treikam u DC Mairang.
Ha katei ka jingmareh marathon ki don ar bynta, kata jong ki (senior) kynthei bad shynrang ka dei 10km ka jingjngai, jong ki (junior) kynthei bad shynrang ka dei 5km ka jingjngai.
Bad ha ka jing ia niah saikil ki don ar bynta, kata jong ki (senior) kynthei bad shynrang ka dei 15km ka jingjngai, jong ki (junior) khynthei bad shynrang ka dei 10km ka jingjngai.
Ha katei ka jingshim bynta ia ka National Sports Day Run & Cycling la wan ban ia shim bynta da ki khun samla, ki longkmie bad ki heprit ka thain Eastern West Khasi Hills District
bad iaka jingniah saikil la wan ban kaweh lama da u bah M. Diengdoh ADC ka Eastern West bad ia ka marathon la wan ban kaweh lama da u bah A. Nongbri ADC Eastern West.
Ha kaba ha ka marathon ba 10km jong ki shynrang (senior) ki long u samla Wanbok L Mawphlang ha ka kyrdan ba nyngkong, u samla Mebanshanborlang Pathaw ha ka kyrdan ba ar bad u samla Ebanwel Wahlang ha ka kyrdan ba lai.
Ha ka 5km marathon jong ki (senior) kynthei ki long ka samla Nerisa Nongrum ha ka kyrdan ba nyngkong, ka samla Romafully Thabah ha ka kyrdan ba ar bad ka samla Bahunlang Pariong ha ka kyrdan ba lai.
Ha ka kyrdang (sub junior) shynrang ki long u heprit Wankyrmen Lyngdoh Mawphlang ha ka kyrdan ba nyngkong, u heprit Jopmiki Marweiñ ha ka kyrdan ba ar bad u heprit Kiewboklang L Nongkait ha ka kyrdang ba lai.
Ha ka kyrdan (sub junior) jong ki kynthei ki long ka heprit Lanosha Marweiñ ha ka kyrdan ba nyngkong, ka heprit Banjoplin Marthong ha ka kyrdan ba ar bad ka heprit Mishola Marweiñ ha ka kyrdan ba lai.
Ha ka kyrdan (senior) jong ki kynthei, ka samla Aidotis Kyllait ha ka kyrdan ba nyngkong, ka samla Monycable Marbaniang ha ka kyrdan ba ar bad ka samla Lamtimai Kyllait ha ka kyrdan ba lai.
Ha ka kyrdan (sub junior) jong ki shynrang, u heprit Mack Amazing Kyllait ha ka kyrdan ba nyngkong, u heprit Noveldos Kharmawlong ha ka kyrdang ba ar, bad u heprit Baiaineh Nongrum ha ka kyrdan ba lai.
Bad ha ka kyrdang sub junior jong ki kynthei, ka heprit Priya Mawblei ha ka kyrdan ba nyngkong, ka heprit Grace Nongrai Kyllait ha ka kyrdan ba ar bad ka heprit Shibahun Kyllait ha ka kyrdan ba lai.
Haba ai jingkren ha shwa ban sam ia ki khusnam sha kitei ki nongjop na ka liang u bah A. Nongbri u la pynpaw ia ka jing sngewkmen ba ki la ioh ban shimbynta bad rakhe ia ka National Sports Day ha ryngkat ka Ri India hi baroh kawei bad u la ong ruh ba kane kan ym kut tang ha kane ka sngi hynrei kan dang iai bteng namar ba ka sports ki ka lah ban wanrah ia ka koit ka khiah bad kaba lah ruh ban ai ia ka ioh ka kot.
