SHILLONG, Naitung 17: Kum shibynta ban snohktilang ha ka ban rakhe ïa ka lyngkhuh sngi ïap ka ba 189th jong u wei na ki khla-wait ka jaidbynriew- kata u Pa’iem Tirot Sing Syiem, na ka liang jong ka seng KSU-NEHU Unit ka la pynlong da ka jingïa lehkai phutbol paralok kaba la sdang naduh ka 10 shiteng mynstep.
Ha kane ka jingïalehkai phutbol paralok la pynïakhun hapdeng saw tylli ki kynhun, ar kynthei bad ar shynrang, ba kynthup ïa ka KSU NEHU Unit, ka NEHU Hynñiew Trep Hostellers Union (HHU) kiba na ka liang Kynthei, nangta ki nongkitkam ka KSU Nehu Unit 2023-24 kiba ïakhun pyrshah ïa ki nongïalam barim ka KSU Nehu Unit.
Ka jingïalehkai kaba nyngkong ka la long hapdeng ki kynhun kynthei, ha kaba ka KSU Nehu Unit ka la pynliem suk ïa ka Hynñiew Trep Hostellers Union (HHU) da 7-0 kol.
Ha ka jingïalehkai kaba bud, la sakhi ïa ki dkhot ka KSU Nehu Unit 2023-23 kaba la pynliem ïa ka kynhun ki Nongialam barim ka KSU NEHU Unit da 4-0 kol.
