Jowai, Jylliew 30: Kum shibynta ban kyntiew ïa ka pule puthi hapaoh ka thaiñ War Jaiñtia ka Khasi Students’ Union (KSU) War Jaiñtia Circle ha kane ka sngi saitjaiñ, sa shisien kala ïoh ban pynkup burom ïa ki samla pule ka thaiñ kiba la wan shakhmat ha ki exams bapher bapher bad ha kane ka sngi la wan sakhi ruh da ki kmie ki kpa bad nonghikai jong ki khynnah bapher bapher.
Ha kane ka sngi u Samla Donald V Thabah General Secretary KSU CEC, ula long kum u Kongsan, haka jingdonlang u ma Army Lipon President Synjuk Waheh Shnong Ri Jaiñtia kum u Symbud Kongsan, u samla Pynkmenlang Sanmiet Education Secretary KSU CEC, ki Nongïalam ka KSU Jaiñtia Hills District Unit naduh u President samla Laitphar Syngkrem, General Secretary samla Lenningrad Tariang, Vice President samla Chanbor War bad kiwei de, ki Nongïalam jong ka War Jaiñtia Circle naduh u President samla Lop S Khonglah, General Secretary samla Platini Mukhim, Education Secretary Ladaplin Hayong bad kiwei de.
Na ka liang ki nongmihkhmat jong ka District Council kila wan ban sakhi lang ki kynthup ïa u ma Jamshaphrang Pohtam, ma Medling M Swer, kong Deiwi Tongper bad kiwei de ki riewpawkhmat ka thaiñ War Jaiñtia kiba la ai ruh ïa ka jingkren bad jingsneng jingkyntu ïa ki samla pule.
Ha kane ka sngi la wan ban ïa shim bynta ruh da ki Samla Pule ka Synod College Shillong kum shi bynta ba ki wan ban leh ïaka Research ka jong ki naka bynta kane ka Program pynkup burom ïaki Samla ka Thaiñ.
Baroh ki nongkren kila kyntu kynpham ïa ki samla bad la khmihlynti ba kine ki samla kin long ka jingkyrkhu ki ban kyntiew ïa ka pule puthi, ka roi ka par ka bad nuksa ïa kiwei pat ki khynnah skul hapoh thaiñ War Jaiñtia bad jaitbynriew Khasi hi baroh kawei.
U Samla Donald V Thabah ula pynkynmaw ‘ba ka Jaitbynriew kala nang ïai kiew ha baroh ki liang bad kam don jingeh ïa ngi ban poi sha kliar jong ka nam lada ngi minot bad kut jingmut ban trei shitom ïaka kam kaba ngi thrang bad angnud’.
