Shillong, Naitung 24 : U MDC ka BJP na Tura, Bernard N Marak ha ka sngi U Blei u la ong ba kin sa pynmih ïa ka jingrwai ‘Once’ kyrpang na ka bynta ki lanot ha ka jingïakynad kaba la jia ha ka jylla ha Manipur.
Ha kajuh ka por u pynpaw ruh ïa ka jingthrang ban pynlong da ka jingïaduwai lang kumjuh da ki kynja concert ha ka constituency jong u ban duwai na bynta ka jingsuk bad na bynta ki lanot na ka jingkynad ha Manipur.
“Ka Manipur ka la pluh bad bun ki mynsiem briew ki la shu duhei, ki iingki sem ki la phetwir lut na ka daw ka jingkynad hapdeng ar tylli ki Jaidbynriew. Ki paidbah ha kawei pat ka liang ki pyrshang ban pynlong politik da kaba kynnoh ïa ka sorkar ba don ha ka bor synshar ha Manipur hynrei katei ka jingkynad jaidbynriew kadei kaba palat ïa ka bor ban tehlakam,” u la ong.
Shuh shuh u ong ruh ba ïa kum kitei ki jingjia ki la sakhi ruh ha kane ka jylla ha ki khyndiat snem mynshwa hynrei ha ka por ba synshar ka jingdum dei tang ki jingduwai kaba treikam. “Tang u Blei marwei uba lah ban wallam biang ïaka jingsuk ha Manipur,” bynrap biang u tei u MDC ka BJP ha ka kyrwoh.
Shuh shuh u ong ruh ba katei ka jingrwai ba ai kyrteng ‘Once’ la shna da kaba buh hakhmat ba ha ki khep ba baroh ki jingkyrmen ki la duh, dei ka jingngeit kaba ai biang ka bor bad ka jingkyrmen.”
