Shillong, Jymmang 02: Ka ICAR- Central Plantation Crops Research Institute (CPCRI), Kasaragod, Kerela, da ka jingïatreilang bad ka Directorate of Horticulture, Department of Agriculture & Farmers Welfare bad ka Department of Soil & Water Conservation Meghalaya ki la pynlong ïa ka jingïalang kaba shi sngi bad ki riewshem phang halor ka phang “Scientific Cultivation for Sustainable Production of Arecanut and Cocoa” ha Meghalaya Agricultural Management and Extension Training Institute (MAMETI), Upper Shillong ha ka sngi Thohdieng ha kaba ki Scientist na ICAR-CPCRI, Kasaragod, Kerela bad ICAR-CPCRI, Kahikuchi, Assam ki la sam ïa ki jingtip ba bniah halor ka phang “Arecanut Production Technologies” da u Dr. Bhavishya, Scientist, CPCRI; “Plant Health Management in Arecanut” da Vinayaka Hedge, Head-Division ka Crop Protection, CPCRI, “Prospects of Cocoa cultivation ha Meghalaya” da Dr. Alpana Das Scientist in-charge ICAR-CPCRI Kahikuchi, Assam.
Haba bynrap na ka liang u Dr. Balkho R. Marak, Assistant Soil and Water Conservation Officer, Shillong u la sam ïa ka Current Status jong ka kam rep Cocoa ha ka jylla bad na ka liang ka M. Ch. Marak, Assistant Director of Horticulture (PSC), Shillong ka la batai halor ka kam rep Arecanut ha ka jylla. Na ka liang ka Director ka Horticulture, ka kong. B. Mylliem Umlong ka la wan sha kane ka prokram kum ka kongsan.
Ki la don kumba 100 ngut kiba la shim bynta ba kynthup ïa ki heh ophisar na ka Directorate of Horticulture, Agriculture, KVKs, ATMA ba ki nongrep na ka jylla.
La ïathuh ruh ba ha ka 1 tarik mynta u bnai na ka liang ka kynhun ka la leit ruh ban jurip ïa ka jaka rep Arecanut hapoh ka shnong Nongmyndoo, West Khasi Hills District, kaba ki riew shemphang ki la sam ïa ki jingtip jong ki sha ki nongrep ba kin lah ban ïada na ki Budrot ne Crownrot.
