Jowai, Lber 07: Ka ophis jong u District Sports Officer, West Jaiñtia Hills District, Jowai kala pyntip ba kan rakhe ïa ka sngi ba kyrpang jong ki kynthei ne ka ‘International Women’s Day 2023’ ha ka 15 tarik u Lber, 2023 ha Kiang Nangbah Stadium, Jowai naduh ka por 10 baje mynstep.
Ha kane ka sngi yn pynlong ïa ka jingïakop tan tyllai ‘Open Tug of war’ tang na ka bynta ki kynthei. 10 ngut na ka bynta kawei ka kynhun, 7 ngut ki ban mih madan bad 3 ngut ki nongshong ben.
Kino kino ki kynhun kiba don jingmut ban ïashim bynta ki lah ban leit shim ïa ka Entry Form na ka ophis jong u ma K. Passah District Sports Officer, West Jaiñtia Hills District, hashwa ka 13 tarik u Lber, 2023 haka por ba long ophis. La pyntip ruh ba yn sam sha ki nongjop bad kiba wan ba ar da ka song pisa lem bad ka trophy.
Ha kaba ïadei bad kane baroh ki Skul, Colleges, ki dong bad ki shnong napoh ka West Jaiñtia Hills District ki lah ban ïashim bynta.
