Da ka jingïakop mareh ha ka 31 tarik Risaw yn pynlong ka DSO-WJHD
![](https://mawphor.com/wp-content/uploads/2022/04/Sports-750x430.jpg)
Jowai, Risaw 26: Ka ophis u Deputy Commissioner, West Jaiñtia Hills District, ha ryngkat ka jingïatreilang bad ka ophis u District Sports Officer, West Jaiñtia Hills District, Jowai kin pynlong ïa ka jingïakop mareh ‘Fit India Freedom Run 4.0 & National Unity Day Run, 2023 (Rashtriya Ekta Diwas)’ na ka bynta ki shynrang bad kynthei (open category) halor ka phang “Swatchh Bharat”.
Ïa kane ka jingïakop mareh yn pynlong haka 31 tarik u Risaw ïa kaba yn sdang ban kaweh ïa ka lama na Main Gate Kiang Nangbah Stadium (Starting point) bad ïaid na Ladthadlaboh Main Road – Jowai Public School – Gate Polytechnic – Kshaid Rymphum – Salaroh – Dulong Poh-hali Road – Dulong – Pamhadem – Panaliar (Civil Hospital)– Iongpiah -Mission Compound – H.K.Singh School – D.C Office – New Hill – National Highway bad leit pynkut ha Kiang Nangbah Indoor Stadium (Finishing point). La pyntip ba ka por mareh kan sdang nadup ka 6 baje mynstep ha kaba yn don ka Spot Registration ïa ki nongwan ïashim bynta ha katei ka sngi ha Kiang Nangbah Indoor Stadium, Jowai naduh ka por 5 baje mynstep.
Ha ka juh ka por na ka liang ka District Sports Officer, West Jaiñtia Hills District, Jowai ka khot sngewbha ïa baroh kiba dei nadoh ka District ban wan ïashim bynta lang ha kane jingïakop mareh, ha kaba yn don ruh ka jingsam ïa ki khunsnam da ka song pisa sha baroh ki nongjop.