Nongpoh, Risaw 23: Shibynta ban pynkhreh shaphrang ïaka jingrakhe ïaka Ri-Bhoi District Aqua Fest 2022 ka ban sa long haka 28 tarik mynta u bnai ha Nongpoh, ka ophis jong u Superintendent of Fisheries, Ri-Bhoi District haka sngi thohdieng kala pynlong da ka jingïakop dro jong ki khynnah skul naduh Klas VI haduh IX halor ka phang ‘For Life’ Kumba 15 ngut ki khynnah skul na ki 5 tylli ki skul naka thaiñ Nongpoh kila wan ban shim bynta ha katei ka jingïakop ba kum ki khynnah kila pyni ïaka sap dro dur halor ka jingpynneh pynsah ïaki jait jingthaw ba im hapoh um khamtam ka dohkha ha kaba ïaki nongjop ha katei ka jingïakop yn sam khusnam haka 28 tarik kaba dei ruh ka sngi rakhe ïaka Aqua Fest.
Ki nongjop ha katei ka jingïakop dro ki kynthup ïa u Bannehskhem D Rani na Christian Higher Secondary School haka kyrdan ba nyngkong, ka Cynthia Mangu na RBP Higher Secondary School haka kyrdan kaba ar, bad u Robanson Langi la St. Paul’s Higher Secondary School haka kyrdan ba lai.
