Da ka jingiaid rally, pynbna ki khynnah skul ka Khliehriat HSS ia ka jingsniew u duma
![](https://mawphor.com/wp-content/uploads/2022/07/mawphor-1.jpg)
Khliehriat Jymmang 15: Kum shibynta ban rakhe ia ka sngi ‘World No Tobaco Day’ (WNTD), ban pynbna paidbah ruh ia ka jingsniew u duma, mynta ka sngi da ki spah ngut ki khynnah jong ka Khliehriat Higher Secondary Day ki la mih bad iaid rally ha surok bah ha Khliehriat bad ha Lad sutnga bad pyrta ruh ryngkat bad ki jingthoh bapher bapher ha ki pla card ban pynbna ia ki jingsniew u duma,, uba ktah ia ka koit ka khiah bad ia ka jingim.
La don ruh ka jingthoh kaba ong ‘Wat long mraw ha u duma, da kaba ban duma bad dih duma ka pyn lyngkot ia ka jingim’ bad bun ki jingthoh kiba pyni ia ka jingsniew kaba ktah haba bam duma bad dih duma.
Ia kane ka rally, la pynbit pynbiang da u Principal jong ka Khliehriat Higher Secondary School, u Brother Solomon Swer ha kaba la ia shim bynta lang ruh da ki nonghikai jong katei ka skul.