Da ka jaka ap dawai noh synñiang u WS Tuberkmai shnong bad u para ha Sub Centre

Khliehriat, K’Lyngkot 04: Kum ka dak ka jingkynmaw burom ïa la ka jong ka kmie ka (L) Kwil Lyngdoh, u Waheh Shong Tuberkmai shnong, u bah Miki Lyngdoh lem bad u para jong, u bah Chelang Lyngdoh ki la noh syniang da ka iing ap dawai ki nongpang ba shim dawai na ka Sub Centre kaba don ha shnong Tuberkmai shnong.
U bah Miki Lyngdoh u la ong ba kane ka ïing ap dawai ki nongpang kiba wan ne kiba leit shim dawai na katei ka sub centre kan iarap shibun ïa ki briew haba ka por ba slap ne por ba shit ka sngi bad ong ruh ba kum u waheh shnong u dap da ka jingsngewkmen bad da kaba kylluid mynsiem u la noh syniang ïa kane ka ïing rieh sap ne ka jaka ap dawai ha katei ka sub centre kaba don hapoh shnong bad ong ruh ba kane ka long ruh kum ka dak ka jingkynmaw burom ïa i kmie i ba la khlad i kong (L) K.Lyngdoh.
Ïa katei ka ïing ap dawai jong ki paidbah ha sub centre la plie donburom ruh da u bah Miki Lyngdoh bad u para u bah Chelang Lyngdoh myn ha ka 24 tarik u Nohprah 2024 bad ha katei ka sngi la ïa don ryngkat lang ruh ka Medical Officer jong ka PHC Pamra Paithlu, ka Dr Rida Suchiang, u DPM, u bah Laston Bamon lem bad ki nongshong shnong jong ka Tuberkmaishnong.