Nongstoiñ, Nohprah 19: Ka West Khasi Hills District Chess Association ryngkat bad ka jingïasnohktilang ka Seng Hynniewtrep Youth Council WKH, ka la pynlong ïa ka jingrakhe ïa ka lyngkhuh sngi ïap ba 84 jong u Myllung Soso Tham ha Nongstoiñ ha ka sngi balang.
Kum shi bynta ïa kane ka jingrakhe la pynlong ïa ka Nongstoiñ Open Chess Championship, ha kaba da u kongsan u samla Wanteibok Lyngdoh Secretary jong ka HYC West Khasi Hills, ha ka jingïadonlang u symbud kongsan u bah Damir Tham, u special invitee bah Angelbert Tham, ki nongkitkam ka Association, ki longkmie longkpa ryngkat kumba 30 ngut ki khynnah skul kiba la wan ïashimbynta.
La ïoh ka jingkren na u kongsan bad symbud kongsan shaphang u Soso Tham ban batai shaphang ka jingmyntoi ïa ki khynnah skul kiba ïaleh kai Chess. Ki la kyntu ruh ïa ki khynnah skul ba ki dei ban pyndonkam hok ïa ka por bad ban lait barabor na ki kam ba sniew.
Ki Arbiter ba pynïaid ïa kane ka championship ba 4 round ki long u bah Toteinam Lyngdoh Marshillong Senior Arbiter bad bah Banshan Marngar Chess coach, ki ba dei ruh ki nongkitkam jong ka South West Khasi Hills District Chess Association.
La ïoh ban ki Trophies sha ki nongjop ha kane ka championship kiba long, ha ka under 10 boys, 1st Paila Maïanbor Jyndiang, 2nd P Shanlemkime Lyngdoh, ha ka Under 13 Boys 1st Freedy Tympuin, 2nd Macdonald Marweiñ, 3rd Miquel Marweiñ.
Ha ka Under13 Girls, 1st Phibanri Diengngan, 2nd Angel Bapynbiang Khardewsaw, 3rd P Nakisaphi Lyngdoh. Ha ka under 16 boys, 1st Lallomom Shyrkon, 2nd Ronyson Shyrkon, 3rd Brian CJL Marshillong. Ha ka open category, 1st Imson Nongbak, 2nd Bansahnam Shyrkon bad 3rd Ms Gavy Jones L Marshillong.
