Shillong, Naitung 09 : Ka Dinet Manik Syiem Memorial Higher Secondary School dang shen ka la pynlong ïa ka jingïa kob shut penalty ha Jingkieng Indoor Stadium ban plie lad ïa ki samla pule jong ka ba kin pyni ïa ka sap ha katei ka jingïalehkai phutbol.
Ïa kane ka lympungïalehkai ba la plie lad lang ïa ki samla kynthei bad shynrang ki la don haduh palat 100 tylli ki kynhun kiba shim bynta kata 94 kynhun ki shynrang bad 7 tylli ki kynthei, kaba kynthup lang ïa ki samla pule barim bad ruh ki nonghikai.
Ka kynhun lahduh ha kane ka lympung ka la ïoh ban khur ïa ka song pisa kaba 15,000 tyngka bad kaba wan ba ar pat ka ïoh 3,000 tyngka. Ïa kane ka lympung ïalehkai la wan ba don ryngkat ruh da u CEM ka KHADC Bah Pynïaid Sing Syiem kum u Kongsan nalor ka Principal, Kong Drimsibon Kharkongor nalor kiwei kiwei.
Haba phai sha ka jingïakhun ha ka liang ki kynthei, ka Warrior B ka la ïoh ïa ka nam lahduh katba ïa ka kyrdan kaba ar la ïoh da ka Shotball A.
Ha ka liang ki shynrang pat ïa ka kyrdan kaba nyngkong la ïoh da ka kynhun u Nick bad u Pall katba ïa ka kyrdan kaba ar pat la ïoh da ka kynhun ABC.
