Jowai, Risaw 31: Ka Nehru Yuva Kendra Jowai, kala pynlong ïa ka jingïakynduh lang ki samla haka 29 tarik u bnai Risaw ha Hall jong ka Marian Hill Higher Secondary School, Jowai, ha kaba u ka Dawan Lyngdoh uba long u MDC jong ka Mynsngat Khanduli ula long u kongsan haka jingïalang plie ïa kane ka Yuva Utsav kaba kynthup ruh ïa ka jingpyni rong ïa ki kolshor naki thaiñ bapher bapher jong ka District ha ka jingdonlang u symbud kongsan u Dr H.H.Mohrmen.
Ha kane ka sngi nalor ka jingshad tynrai la don ruh ka jingïakop pruid dur bad ka jingairong dur naka bynta ki kynnah bad samla, ka jingïakop thoh poitri kumjuh ruh ka jingïakop shondur da ki mobai phone.
Ha kane ka sngi kala don ruh ka jingïakop kren paidbah halor ka phang kaba ki khot ka declamation contest ha kaba ki samla na ki thaiñ bapher bapher jong ka District kila ïashim bynta.
Haka Youth Convention la ïoh ruh ïa ka jingkren na u S. Das Youth Employment Officer. Haka jingïalang pynkut ïa kane kane ka jingïakynduh ki samla la wan ban pynwai da u ma Wailad Shylla uba long u MLA jong ka Jowai constituency.
Kiwei pat kiba kren ha kane ka jingïalang ki dei u D. Rapsang District Youth coordinator, u P.K. Boro (ADC), u Wanteibor Khonglah, ka Nangroi Shaphrang Dkhar bad kiwei kiwei. Ha kane ka jingïakynduh ki samla la wan ban ïashim bynta da ki samla na ka West bad East Jaiñtia hills District, Jowai.
