Da ka 13th Mait Shaphrang Academic Award 2024 Yn pynkup burom ka KSU-NC ïa ki samla pule kiba pass bha

Khliehriat, Nailur 18: Kum ka dak ban pynshlur ïa ki samla ha ka pule puthi, ka Khasi Students Union Narpuh Circle kan pynlong ïa ka prokram pynkup burom ïa ki samla pule jong ka thaiñ Elaka Narpuh da ka “13th Mait Shaphrang Academic Award 2024” kumba ka seng ka ju pynlong man la u snem.
Halor katei ka khusnam jingpynkup burom, ka seng ka la bthah ba kito kiba lah ban aplai ïa kane ka khusnam kin long tang kito ki samla kiba ioh rung ha ka kyrdan ba nyngkong (1st Division) ha ki exam SSLC, HSSLC (MBOSE, CBSE bad ICSE.
Kumjuh ruh ïa kiba pass ha ka kyrdan ba nyngkong (1st Division) ha ka kyrdan Graduate, Post Graduate bad Ph. D, na ka bynta kito kiba aplai, ki kot ki sla ban pynshisha ki long kum ka Marksheet bad ka Residential, lah ruh ban pynpoi ïa ki kot ki sla ne ki document ha kine ki whatsapp number ba la ai harum ha lane shwa ka 25 tarik u nailur 2024.
Na ka bynta kito kiba pass ïa ka SSLC bad HSSLC ki lah ban phah une u whatsapp number 6009103554, Graduate bad Post Graduate phah ha une u number 9862702117. Ia ka ka tarik ban pynlong ïa katei ka jingpynkup burom yn sa pyntip hadien, kane ka long katkum u kyrwoh na u Education Secretary KSU Narpuh Circle, u Samla Chanmi Syrti.