SHILLONG, Lber 08: Kawei na ki jingïalehkai jong ka Shillong Cricket League First Division 2024-25 ba la pynïaid da ka Shillong Cricket Association, ba la long ha ka sngi Saitjaiñ ha madan Polo, hapdeng ka Nongkseh CC bad ka Metallica CC ka la jam sha kaba kut ha kaba ka Metallica ka la jop ïa ka jingïalehkai da 2 wiket.
Hadien ba jop ïa ka toss ka Nongkseh ka la jied ban tied nyngkong ha kaba ka la lah ban kamai 172 ron shuwa ban khyllem baroh 10 wiket haki 36 ober. U ïateilang u la kamai 58 ron naki 81 bol, katba u Michael Makdoh u la kamai 23 ron naki 39 bol. Na ka liang ki rangkawang bol, u Ashish Gurung u la khur 4/33 naki 8 ober, katba u Siddharth Das u la khur 4/26 naki 7 ober.
Haba jubab, ka Metallica ka la lah ban kynjoh ïa ka thong ba ka donkam, da kaba kamai 173 ron bad hap 8 wiket naki 33.3 ober.
U Bushbashisha Tohith u la khur 3/37 naki 8 ober, katba u Iateilang Shangphliang u la khur 1/17 naki 3 ober.
U Dipayan Nandi u la long uba kongsan tam ha ka tied da kaba kamai 81 ron naki 77 bol, katba u Md Jamil u la kamai 14 ron naki 22 bol, ha kaba ka Metallica ka la jop ïa ka jingïalehkai da 2 wiket.
Bad ïa ka khusnam Player of the Match la khur da u Siddharth Das uba la khur 4 wiket ha ka bol.
