New Delhi, Lber 14: Ka Sorkar Pdeng ha ka sngi Palei ka la pynhiar ïa ka dor umphniang jong ka petrol bad diesel da T. 2, ong u Myntri ka Sorkar Pdeng uba khmih ïa ka Petroleum and Natural Gas, u Hardeep Singh Puri, hapoh ka X. Kane ka jingpynbna ka la wan ha shwa jong ki taïew ban pynbna ïa ka ilekshon sha ka Lok Sabha.
Kane ka jingpynthmmai bad pynkylla ïa ka dor jong ka umphniang kan sdang ban treikam naduh ka 15 tarik mynta u bnai naduh ka por 6 baje mynstep.
“Da kaba pynduna ïa ka dor jong ka petrol bad diesel da T. 2, ka jingthmu jong u Myntri Rangbah duh ka ri u Narendra Modi sa shisien ka la sakhi ïa ka jingkwah ban wanrah ïa ka bha ka miat bad ka suk saiñ jong ki klur ngut ki nong India,” ong u Myntri.
