Bym treikam shuh naduh 2006 ai jingmut u CAG ban khang khyrdep noh ïa ka MEDCL

0

Shillong, Ïaïong, 09: Ka ophis u Comptroller and Auditor General of India (CAGI) ka la ai jingmut ïa ka Sorkar Jylla ba kan khang khyrdep noh ïa ka Meghalaya Electronics Development Corporation Limited (MEDCL), kaba long ka Public sector Enterprise (PSE) ka bym shym la treikam shuh naduh u snem 2006.
“Ka Sorkar Jylla ka donkam ban pynstet ïa ka jingpynkut khnang ban khang khyrdep noh ïa kane ka PSE ka bym treikam,” ong u CAG ha ka State Finances Audit Report kut snem jong ka 31 tarik, Lber, 2022.
Ka kaiphod ka la ong ba ki don ki Arrear jong ki saw tylli ki Account (2018-19 haduh 2021-22) kat haduh ka 30tarik, Nailur, 2022 ha kaba ïadei bad ka jingbym die eiei jong ka PSE (Meghalaya Electronics Development Corporation Limited), kaba lam sha ka jingbym treikam naduh u snem 2006 bad kaba dang sahteng ban pynkut noh syndon naduh u Jylliew, 2011.
Ka Committee of Public Undertakings (CoPU) ha ka kaiphod bashiphew (Tenth Report) ïa kaba la rah hapoh ka Iingdorbare Thawaiñ ha ka 5 tarik, Naiwieng 2020 ka la ai jingmut ban pynkut noh mardor ïa ki PSE ki bym treikam, hapoh hynriew bnai.
Ka kaiphod ai jingkheiñ jingdiah jong ki kompeni ki dei ban pynkhreh noh mar mar hapoh hynriew bnai hadien ba la kut ka Financial Year, kata, ha kaba kut jong u Nailur kaba long ruh katkum ka kyndon jong ka Section 96 (1) jong ka Companies Act, 2013.
Lada jia ba ym lah ban leh eiei, kan ngat ha ki kyndon shaiñ kuna hapoh ka Section 99 jong ka Aiñ.
Ha kajuh ka rukom, lada jia ba don kino kino ki corporation ba la ithuh, ïa ki Accounts dei ban pyndep noh, ban ai jingkheiñ bad ban rah ha ka Iingdorbar katkum ki kyndon jong ki Aiñ.
Kat haduh ka 30 tarik, Naiwieng,2022, haduh 35 tylli ki Accounts jong ki 20 tylli ki PSE kiba treikam ki dang sahteng ban ïoh ïa ka jingsiew na ka bynta shi snem haduh hynriew snem, ong ka kaiphod u CAG.
Na ki 35 tylli ki Accounts kiba dang dei ban ïoh ïa ka jingsiew Arrear na ka bynta u snem 2021-22, ki long ka Meghalaya Transport Corporation (MTC) bad ka Forest Development Corporation of Meghalaya Ltd kiba don bun ki Accounts na ka bynta shi snem haduh san snem, ong ka kaiphod.

Leave A Reply

Your email address will not be published.