Buh jingmana ki bor synshar District jong ka EJHD ban pyndonkam ïa ki tiar pynbthei

Khliehriat risaw 7:Ki bor synshar district lyngba u District Magistrate jong ka East Jaiñtia Hills District, u la buh ka jingmana ïa baroh ki paidbah jong ka district ban pyndonkam ïa ki tiar pynbthei, kane ka long katkum ka kyndon aiñ kaba 7 jong ka Arms Rule 2008, kaba khang pyrshah ban pyndonkam ïa ki tiar pynbthei.
Katkum ka hukum la khang pyrshah ruh ban die bad ban thied ïa ki tiar pynbthei hapoh ka district laitnoh tang kito kiba don ïa ki license kiba biang kiba hapoh ka aiñ.
Ha ka hukum, la bynrap ruh ba ki bor district ki khang pyrshah ïa ka jingpyndonkam ïa ki tiar pynbthei ha kino kino ki par, kum ha ki par dewïong bad kiwei kiwei ki par bad lada lap ïano ïano kiba leh pyrshah ïa kane ka hukum yn pynshitom ïa ki katkum ki kyndon jong ka aiñ, kane ka hukum kan treikam noh mardor tat haduh ban da pynbna da kumwei pat.