Bthah ka High Court ïa ka sorkar bad AAI ban pyndep jurip ïa ka kad liengsuiñ Shillong, Risaw 30 : Ka Meghalaya High Court ha ka sngi Nyngkong ka la kyntu ïa ka sorkar jylla bad ïa ka Airport Authority of India (AAI) ba kan pyndep noh ban jurip ïa ka kad Liengsuiñ Umroi na ka bynta ban pynheh ïa ka runway hapoh kine ki khyndiat bnai ban wan. Ha ka order kaba pynmih hadien ba la dep ban bishar ïa ka PIL, ka kynhun ba kynthup ïa u Chief Justice Sanjib Banerjee bad Justice B Bhattacherjee ka la ong ba ka AAI ka la pyntip ba ka jingmang jinglut na ka bynta ban pynjlan bad pynhah ïa ka runway ha Umroi Airport la dep ban phah sha ka jylla bad ka Jylla kam pat ai jubab. “La kyrmen ba ka AAI bad ka sorkar jylla kan pyndep noh ïa kaba donkam bad ka jingjurip ha kine ki khyndiat bnai,” ong ka order da kaba bthah ba ïa katei ka kam yn sa shong bishar biang hadien 10 taiew,” ong ka order. Ha ka 15tarik Risaw, u Myntri ka tnad Transport ka sorkar jylla Bah Sniawbhalang Dhar u la ong ba ka sorkar jylla ka dang ap ïa ka kaiphod (feasibility report) la ki liengsuiñ ba kham heh ki lah neem ban her ha Umroi Airport. “Na ka liang ki consultant ba thymmai ki la kyrpad ïangi ban ai por ïa ki arbnai. Tad haduh ba kin da phah ïa ka kaiphod dei hangta ngin sa lah ban shim ïa ka rai,” u la ong. Na ka liang u Myntri u la ïathuh ruh ba ka sorkar jylla ka kwah ba katei ka kad liengsuiñ kan long wat ban hiar khyndew ki liengsuiñ kiba kham heh. Dei ha ka 10tarik u Nailar ba ka AAI ka la pyntip sha ka Iing Bishar ban don ka jingsorbe ïa ka Umroi Airport ban pyntikna la ka long neem ban pynher ïa ka liengsuiñ kiba kham heh na katei ka kad liengsuiñ.
![](https://mawphor.com/wp-content/uploads/2023/03/umroi-airport.jpg)
Shillong, Risaw 30 : Ka Meghalaya High Court ha ka sngi Nyngkong ka la kyntu ïa ka sorkar jylla bad ïa ka Airport Authority of India (AAI) ba kan pyndep noh ban jurip ïa ka kad Liengsuiñ Umroi na ka bynta ban pynheh ïa ka runway hapoh kine ki khyndiat bnai ban wan.
Ha ka order kaba pynmih hadien ba la dep ban bishar ïa ka PIL, ka kynhun ba kynthup ïa u Chief Justice Sanjib Banerjee bad Justice B Bhattacherjee ka la ong ba ka AAI ka la pyntip ba ka jingmang jinglut na ka bynta ban pynjlan bad pynhah ïa ka runway ha Umroi Airport la dep ban phah sha ka jylla bad ka Jylla kam pat ai jubab.
“La kyrmen ba ka AAI bad ka sorkar jylla kan pyndep noh ïa kaba donkam bad ka jingjurip ha kine ki khyndiat bnai,” ong ka order da kaba bthah ba ïa katei ka kam yn sa shong bishar biang hadien 10 taiew,” ong ka order.
Ha ka 15tarik Risaw, u Myntri ka tnad Transport ka sorkar jylla Bah Sniawbhalang Dhar u la ong ba ka sorkar jylla ka dang ap ïa ka kaiphod (feasibility report) la ki liengsuiñ ba kham heh ki lah neem ban her ha Umroi Airport.
“Na ka liang ki consultant ba thymmai ki la kyrpad ïangi ban ai por ïa ki arbnai. Tad haduh ba kin da phah ïa ka kaiphod dei hangta ngin sa lah ban shim ïa ka rai,” u la ong.
Na ka liang u Myntri u la ïathuh ruh ba ka sorkar jylla ka kwah ba katei ka kad liengsuiñ kan long wat ban hiar khyndew ki liengsuiñ kiba kham heh.
Dei ha ka 10tarik u Nailar ba ka AAI ka la pyntip sha ka Iing Bishar ban don ka jingsorbe ïa ka Umroi Airport ban pyntikna la ka long neem ban pynher ïa ka liengsuiñ kiba kham heh na katei ka kad liengsuiñ.