Shillong, Nailar 28 : U Myntri Rangbah ka Jylla Conrad K Sangma, u dang don mynta hapdeng ka jingshah sumar ha la ïing namar um pat koit bha na ka jingpang ‘Niang Soh-Ot’ bad Typhoid.
Hooid u Myntri Rangbah ula kham ïoh bor bad nang kham khlaiñ bad ula pyrshang katba don ki lad ban ïoh noh ïa ka jingkoit lyngba ka jingtista ban dih dawai bad pynbiang ïa ka bam ka dih.
Ki Heh Doktor bad ki kynhun ki Doktor Specialist na Civil Hospital, Shillong bad NEIGRIHMS, kila leit jngoh ïa u Myntri Rangbah mynta ka sngi Balang hapoh ka ïingsah jong u, ban peit thuh ïa ka koit ka khiah bad ka jingtreikam ki dawai.
Kan shong ha ka jinglong jingman ka koit ka khiah ka met, u Myntri Rangbah u lah ruh ban pyrshang ha ka ban leit ïashimbynta ha ka Dorbar Synrai ka ïing Dorbar Thaw Ain, jong kine ki sngi ba dang sah.
