Shillong, Naiwieng 15: U Myntri Rangbah ka jylla u Conrad K Sangma ha ka sngi ba-ar u la bteng ban sam ïa ki skhim da ka song pisa ha ri lum Garo ban ïarap ïa ki nongrep bad nongri jingri ha Adokgre, North Garo Hills District.
Kane ka song pisa kaba u Myntri Rangbah u la sam la kot kumba 1.5465 klur tyngka sha ki 8 tylli ki Integrated Village Cooperative Societies (IVCS) na bynta ka Piggery Mission Phase 3.
Ha kane ka sngi u Myntri Rangbah u la sam ruh ïa ka pisa kaba kot kumba 23.87 lak na ka skhim ‘FOCUS+’ bad ka Farmer’s Welfare Programme sha ki 2387 tylli ki longiing nongrep.
Shuh shuh u Myntri Rangbah ha kane ka sngi u la pyllai ïa ka Community Investment Fund (CIF) ka song jingïarap kaba 14.50 lak tyngka sha ki 5 tylli ki Village Organisations bad u la ai ruh 4 lak ka Bank Loan sha ki 4 tylli Self-Help Group.
