Jowai: Mynta ka sngi ka 29/08/2023 ka Orphan Children Foundation (OCF) hapoh ka jingïalam jong u General Secretary Orphan Children Foundation Jaintia Hills u samla E. Dkhar ka la ïoh ka lad ban bteng biang ban ai jingïarap da ki marbam bad blanket ïa ki khynnah khunswet kiba don ha ka shnong Pamrapaithlu, East Jaiñtia Hills, ha ka jingïadon lang ki ba ha ïing ha sem jong kine ki khynnah khunswet.
Haba ai jingkren ki trai ïing ki la ai khublei ïa ki nongïalam jong ka Orphan Children Foundation ba ki la don ka mynsiem ban ïarap ïa ki khynnah khunswet.
Ha kane ka sngi la ïadon lang ruh u Father & Found OCF Jaintia Hills u Bah L. Dkhar u ba dei u khlieh duh jong ka Foundation haba ai ka jingkren u Bah Dkhar u la ong ba ka Foundation hi ka kloi ban ïarap ïa ki khunswet kiba don kam ïa ka jingïarap khamtam sha kito ki long ïing long sem ba duk bad u la ong ruh ki dang don shibun ki khynnah khunswet khamtam sha kane ka District jong ngi bad ka OCF hi lada ka ïoh jingtip ba don ki khunswet ka kloi ban wan ai jingïarap.
U la kyrpad ruh ïa ki riew rangbah ban ïatrei lang bad kane ka Foundation khnang ba yn lah ban leh shibun ki kam ba bha na ka bynta ki khynnah khunswet kiba don hapoh jong ka District East Jaiñtia Hills bad u la ong ruh ki volunteer jong ka Orphan Children Foundation kin sa leit wad jingtip haei ba don ki khunswet bad kaei ka jingeh jong ki khnang ba kin lah ban pynpoi ïa ka jingïarap sha ki.
