Nongpoh, Nailur 12: Kumba 5 ngut ki runar kiba thmu ban kamai pisa jubor da kaba lute naki trok kila shah ai jingsneng haki paidbah hynnin ka miet haduh ba kin da jem jai.
Katkum ka khubor bala ioh lum la ong ba kaneka jingjia kala jia hynnin ka miet haka por kumba 9 baje eiei, ha kaba kila don shi kynhun ki runar kiba leit ban lute na kawei ka trok kaba dang ieng shet jingshet harud surok hajan ki dukan kyiad (wine shop) haka shnong Umnget ha Ri-Bhoi, bad kitei ki runar kila shoh bad bom ruh ïa u nongñiah da kaba shim kabu ba u don marwei hynrei hapdeng ka jingïakhun utei u nongñiah trok u la ioh ban phet bad pan jingïarap na kiba shong dukan ha katei ka jaka kiba la kthong pat ïa kitei ki runar kiba la pyndonkam da kawei ka auto rickshaw.
Haka jingbeh thong ki paidbah kila lap ïakitei ki runar haka shnong Quinine ha Ri-Bhoi bad ai jingnsneng ïaki da kaba tied bad bom haduh ba kin da jem jai, bad pynjai jai pat hadien ba wan poi ki nongïalam shnong ka shnong Quinine kiba la pyntip pat sha ki bor pulit jong ka Nongpoh Police Station.