Nongpoh, Nailur 20: Ki paidbah nongshong shnong jong ka shnong Warmawsaw ha Ri-Bhoi District kila pynpaw ka jingbitar halor ka jingbym treikam u tower Airtel bala wan ban pynieng ha katei ka thaiñ la bun bnai.
Na ka liang ki paidbah kila pynpaw ba ka jingthud ka network airtel ha katei ka thaiñ kala wanrah ka jingeh kaba khraw ïaki paidbah kiba ju pyndonkam da ka network Airtel bad kyrpad ruh sha ki bor ba dei peit ba kin pynbiang mardor ïaka network naka bynta ka jingbit jingbiang jong ki paidbah bad lada ki bor ba dei peit kim leh eiei naka liang ki paidbah kila byrngem ban shim pat da kiwei ki lad ki lynti.
