Bhah kam u CEM ïa ki EM ka VPP, bat hi ia ki tnad ba heh, u Bah Winston ïa ka tnat Trade

Shillong, Lber 04: U Chief Executive Member (CEM) ka KHADC u Bah Shemborlang Rynjah ha ka sngi Ba-ar ula sam ïa ka bhah kam sha ki Executive Member jong ka Executive Committee (EC) ka Voice of the People Party (VPP) khnang ba kin lah ban pyntyllun ïa ki kam ki jam ha kane ka samoi treikam jong ki.
Ha kane ka jingsam bha, u CEM ula bat halade ïa ka General Administration Department, Posting & Transfer, Eastablishment, Appointment, Market, Elaka, Forest bad kiwei kiwei.
Ïa kane ka bhah kam la sam hadien ba u Lat ka Jylla ula ai ka jingmynjur ïa ki 7 ngut ki Executive Member (EM).
La ong ba kat kum ka jingsam bha, u MDC ka Mawthadraishan Bah Powell Sohkhlet uba ïoh khmih ïa IT, Land & Development, u MDC ka Nongthymmai Bah Winston Tony Lyngdoh ula ïoh khmih ïa ka Labour, Trade, Enforcement bad Revenue, ka MDC ka Laitumkhrah-Malki Kong Deiti Majaw-Law & Legal Matters, Marriage & Divorce, Town Committee, ka MDC ka Mylliem kong Aibandaplin L Nonglait-Health & Sanitation, Education, MDC ka Mawkyrwat Bah Pynkhraw Kharjahrin-Council Building bad Council Assets, Building Byelaws, MDC ka Umroi Bah Isnei Hinge-Water Resources, Fisheries bad u MDC ka Mawkynrew Bah Seiborlang Warbah-Finance.