Shillong, Jylliew 29: Ka Hynñiewtrep Integrated Territorial Organisation (HITO), Shillong City ha ka janmiet jong ka 29 tarik u Jylliew 2024, ka la ïoh bat ïa 8 ngut ki bar jylla najan civil hospital Shilllong, kiba wan napoh ka jylla Manipur bad na khappud Assam kiba thmu ban leit byllla sha IT Hostel Mawdiangdiang.
Ka seng haba ka la bat ïa kitei ki bar jylla, ka la pan ïa ki kot ki sla kiba donkam hynrei kitei ki bar jylla kim don ïa ki kot ki sla ba biang. Kumta halor kane na ka liang ka seng mardor ka la phah leit phai biang sha ka jaka ba ki wan.
Haba ai jingkren na ka liang ka seng ka la ong ba kitei ki bar jylla ki dei na ka jaitbynriew Muslim bad ka la ong ba kam tuklar ïa ki ba bylla hynrei haba ki wan ban trei ki dei ban pynbiang ki kot ki sla.
