Baroh 36 tylli ki shnong ha Block I ki dei ban wanphai sha Meghalaya dawa u MLA Mowkaïaw

Shillong, Nohprah 15 : U MLA ka Mowkaiaw Bah Nujorki Sungoh ula dawa ïa ka Sorkar Jylla ba ka dei ban ïasaid tyngeh ba dei ban pynphai noh ïa ki 36 tylli ki Shnong na Block-I sha Meghalaya ha ka jingïakren pynbeit pud jong ka wat kaba ar bad ka Assam.
Haba kren halor kane ka kam, une u MLA ula ong “Ka kam Block-I ka dei ka ban dang ïakren ha ka jingïalang ki bor Sorkar, kumta ym pat lah ban ong eiei than ïa mynta. Hynrei, nga la ju ïai kren ïa kane ka kam hapoh ka ïing Dorbar Thaw Aiñ ka Jylla”.
Ula ban jur ba ki 36 tylli ki shnong ha Block-I ki dei kiba shong shnong da ki paid Pnar, kaba pynksan ïa ka jingkam longtrai ka Meghalaya ïa kane ka jaka.
U Bah Sungoh ula ong “Ka thaiñ, kaba don haduh 36 shnong, la shu kam trai da ka Assam. Hynrei nga ngeit skhem ba kine ki shnong ki dei ban pynphai noh sha Meghalaya”.
Halor ka jingïaid ka kam ban buh ïa ka Police Outpost Mukroh, kaba la mang hadien ka jingther kuli ki Forest Guard ka Assam ba lam sha ka jingiap jong ki katto katne ngut, u bah Sungoh u pyntip ba ka jingwad ïa ka jaka ban tei ïa kane ka Outpost ka dang ïaid shaid shaid.