Ban wanrah jingïajan ba ka ri Mongolia, pynkit ka India ïa artylli ki dur mot ki nongbud u Buddha

New Delhi, Jymmang 31: Ban dang wanrah shuh shuh ïa ka jingïajan hapdeng ka Ri India bad ka ri Mongolia ka sorkar India ka la pynkit ïa ka dur mot u Arahant Sariputta bad jong u Arahant Mahamoggallana ki nongbud bajan eh jong u Gautama Buddha sha ka ri Mongolia.
Ka dur mot jong kine ki arngut ki nongbud ba ha khmat eh jong u Gautama Buddha la pynkit da ka liengsuiñ ka nongbah Delhi ha ka 30 tarik mynta u bnai Jymmang, 2026 bad ka jingïaid lynti ka long shimiet bad kane ka liengsuiñ ïa pom ka Ri India ka la poi sha Mongolia mynta ka sngi ha ka por mynstep ha ka por jong ka Ri India IST.
Ïa kine ki ar tylli ki durmot la pynkit da ka liengsuiñ IL-76 jong ki shipai suiñ ka Ri India, kane ka jingleh ka sorkar India ka long ba ka dei ka bynta jong ka ri ban kyrshan ïa ki ri kiba don ïa ka jingïasngewthuh jingmut lang.
Kane ka jingkit ïa ki durmot da ki liengsuiñ ki shipai suiñ jong ka Indian Air Force ka kren shai ïa ka jinglah ka Ri India ban kyrshan bad ha ka juh ka por ban poi sha ka thong ïa kaba ka Ri India ka kwah bad ban pyni sha ka pyrthei haba ïadei bad ka riti dustur.