Ban pynjanai rukom treikam ïa syllok ka Committee on Estimateska Jylla bad ka Committee na Rajasthan

Shillong, Risaw 08 : Ka Committee on Estimates jong ka Iing Dorbar Thawain ka jylla hapoh ka jingïalam jong u MLA ka Nongpoh, Bah Mayralborn Syiem ha ka sngi Balang ki la pynlong ïa jingïalang ïa syllok bad ka Committee on Estimates jong ka Iing Dorbar Thawain jong ka Rajasthan.
Ka thong jong kane ka jingïalang ka long ban ïa sam mar kylliang ïa ki rukom treikam kiba bha bad kiba ïadei na ka bynta ka jingtreikam jong ki committee. Nalor kine ka la don ruh ka jingïasyllok haba ïadei kumno ban pynkhlain bad pynbha shuh shuh haba ïadei bad ka jingtreikam jong ka committee kaba dei halor ka khein ka diah, nangta ban pynkhlain ïa ka administrative reforms bad ruh ban don ïa ki lad ki lynti ban peit bniah ïa ka rukom pynlut jong ka sorkar.
Baroh ar tylli ki Committee jong kine ki jylla ki la ïasam lang ïa ki jingtip kiba ïadei bad ka kamram kum ki kynhun jong ka Iing Dorbar Thawain ka Jylla ban pyntikna ïa ka jingtreikam kaba biang jingkhein bad kaba khuid ha ka synshar khadar. Ha kane ka kynhun la donlang ruh kiwei ki MLA kynthup ïa ka Miani D Shira, Remington G. Momin, Damanbait Lamare bad Bah Gabriel Wahlang. Katba na ka Rajasthan Legislative Assembly Committee la mihkhmat da u Arjun Lal Jeengar kum u Chairman ryngkat lang ki dkhot ba kynthup ïa u Amit Chauhan, Arjun Lal, Arjun Singh Bamaniya, Gurveer Singh, Chhotu Singh, Jeevaram Choudhary, Pratap Singh Singhvi, Manoj Kumar,