Ban kiew kyrdan ki nonghikai LP mynjur ka sorkar ïa ka Meghalaya School Service Rules

Shillong, K’Lyngkot 15 : Ka jingïalang jong ka Kynhun Myntri ha ka sngi Balang ka la mynjur ïa ka Meghalaya School Service Rules, 2025 kaba dei ka sienjam ban plie lad ïa ki nonghikai ha ki skul Lower Primary jong ka sorkar ba kin ïoh kiew kyrdan.
Haba kren bad ki lad pathai khubor hadien ba la wai ka jingïalang jong ka kynhun Myntri, u Myntri Rangbah u la ïathuh ba ïa kane ka sorkar ka la shimkhia namar ha ka service rules kaba la dep ka lad kam da don na bynta ki nonghikai ha ki skul Lower Primary bad ki assistant teacher ban kiew kyrdan.
“Kumta, kin shu sahkut ha kajuh ka kyrdan na ka bynta bun bun snem bad ka lad na ka bynta ban kiew kyrdan ruh ka duna bha. Kane ka la wanrah khyndiat ïa ka jingïatyngkhuh hapdeng ki kyrdan bapher bapher ha ka tnad pule puthi bad kumta hadien ka jingïasyllok bad ki kynhun bapher bapher na ka liang ka tnad pule puthi mynta ka sngi ka la pynkylla noh ïa ka Rules,” u la ong haba kren bad kdi lad pathai khubor.
Kumta, u ong ba kane ka sienjam ka long ban plie lad ïa ki ba kin ïoh ban kiew kyrdan haba ïadei bad ki nonghikai ha ki skul LP jong ka sorkar.