Ban ïohthaw sorkar noh ha Assam, mynta ka sngi lah ban ai shithi iehnoh kam u Himanta ha u Lat

Guwahati, Jymmang 05 : U Myntri Rangbah ka Assam, u Himanta Biswa Sarma u lah ban kynduh noh ïa u Lat ka jylla ha kane ka sngi Balang ban phah ïa ka shithi iehnoh kam khnang ban plie lynti pat na ka bynta ban thaw ïa ka sorkar ba thymmai ha katei ka jylla.
Haba kren bad ki lad pathai khubor u Himanta u la ong ba un sa leit ban kynduh ïa u Lat ka Jylla u Lakshman Prasad hadien ba ki la ïoh pdiang lut ïa ki result jong ka elekshon.
Katkum ki khubor la ïoh jingtip ba na ka liang u chief electoral officer ka jylla u lah ban phah ha kane ka sngi Balang ïa ka result kaba khatduh jong ka elekshon sha u Lat ka jylla.
Lah ban kdew hangne ba ka National Democracti Alliance ka la syllad da ka jingjop ha ka sien kaba lai ban ban ha kane ka jylla da kaba jop haduh 102 seat na ka Iing Dorbar kaba don 126 seat. Ha kane ka kynti ka BJP ka jop 82 seat katba ka kynhun ba tehlok lang ka Asom Gana Parishad bad ka Bodoland People’s Front ki la jop mar 10 seat.
Kumba long haduh mynta hi, u Himanta naduh shwa ka elekshon u la paw kum u kyrtong Myntri Rangbah ban shimti bad ïalam biang ïa ka jylla Assam sa shisien pat.