Shillong, Naiwieng 5: U Lat ka jylla u Chandrashekhar H. Vijayashankar ha ka sngi Palei u la pynbam smai ïa ka IAS ophisar barim ka Kong Ripnar Lyngdoh kum u State Chief Information Commissioner jong ka jylla Meghalaya ha ka jingïalang kaba la pynlong ha Lok Bhavan, Shillong.
Katkum ka jingpynbna ba la pynmih da ka sorkar, ka Kong Lyngdoh kan bat ïa ka kam haduh ar snem naduh ka sngi ba ka shimti ïa ka kam lane haduh ba kan da dap 65 snem ka rta, ne kano kano kaba kham kloi.
Ha kane ka jingpynbam smai ladon lang u Chief Secretary u Dr Shakil P. Ahammed, ka Secretary jong ka tnad Agriculture and Farmers’ ka Kong Isawanda Laloo bad kiwei kiwei ki heh sorkar.
Kane ka kam ka la sah thylli hadien ka jingkhlad noh jong ka Chief Information Commissioner barim ka Kong Rebecca V Suchiang ha u Nailar mynta u snem.
