Khliehriat, Lber 05: Ka ding kaba klang bha ha ka sngi Balang ka la bam duh ïa ki dieng kwai kiba don ha ka bri kwai ha shnong Kuliang East Jaiñtia Hills District haduh ba ka la wanrah ka jingjulor ia kumba khatsan spah tam ki dieng kwai.Kane ka bri kadei jong ka Kong Silent Suting bad Bah Esalanmi Lamare.
Related Posts
Ki khubor ba la ioh lum ki iathuh ba ki trai jong kane ka bri kwai, ki suba jur ba don ki briew kiba la wan thang dusmon ïa kane ka bri ha kaba ka jingpluh ka la jur bha. La ong ruh ba dei lyngba ka jingwan iarap ki para marjan kiba la iakhun shitom ba la lah ban pynlip ïa ka ding watla ka jingjulor ka la long palat mar shiteng.
Ki trai jong katei ka bri ki ju ioh kamai la kumno kumno hapoh ka T 2 lak tyngka ha ka shi snem, kumta ka jing pluh jong kane ka bri kwai ka long long ka duhnong ïa ki.