Shillong, Nailar 07: Hadien ba kiba bun ki nongshongh shnong ka Dangar Dop bad Lalpani kiba dei ki shnong kiba don ha khppud Bangladesh ki la ai ka jingujor halor ka jingbym shong shngaiñ namar ka jingwan rung tuh ki briew na Bangladesh ban leh ïa ki kam tuh ka thiem u MLA ka Mawsynram Constituency Bah Himalaya M Shangpliang u la buh ka jingkyrpad ïa ki bor sorkar naduh u Superintendent of Police(SP), ka Deputy Commissioner(DC) bad kiwei ki tnad treikam ba kin ai jingïada ïa kine ki nongshnong shnong.
Ki nongshong shnong katei ka thaiñ ki la kynnoh ba kine ki khar Bangladesh ki ju wan pyndik bad ban tur ryngkat ki tiar ki tar ba nep sha ka kitei ki shong kiba dang hap ha u pud u sam ka Ri India, da kaba ki wan ban rung lyngba ka wah Umngi ban tuh ïa u maw u shyiap bad ïa ki mar ki mata jong ki briew kiba shong ha kitei ki shong Dangar Dop bad Lalpani.
U Bah Himalaya ha ka jingleit jurip jong u ïa kitei ki shnong ha ka 5 taik Nailar u la pynpaw ïa ka jingsngew bynñiaw ba ki nongshong shnong jong kane ka shnong ki mad ïa kane ka jingeh. U Bah Himalaya u buh ka jingkyrpad na ka sorkar jylla ban ai jingïada kaba kyrkieh ïa ki nongshong shnong jong kane ka thaiñ bad u la kyntu ïa ka DC East Khasi Hills ban phai khmat bad bah khlieh lem ïa ka jingbym sngew shngaiñ wat la ki don ha ki pud bad ki bynta ka ri India.
U Bah Himalaya u la ïathuh ruh ba ha ka jingshisha ki nongshong shnong ki la pan jingïarap na ki bor pulit bad ki BSF hynrei na ka liang jong ki kim pushe eiei ban ïarap ïa kine ki nongshong shnong.
“Nga sngew diaw ka mynsiew haba pyrkhat ïa ki briew kiba mad ïa ka jingeh bad jingïaleh haba ki sah ha ka khappud Bangladesh, bad ngim tip shuh lada ym ai jingïada ïoh wan jia ka jingjia kaba sngewsih ïa ki” ong u Bah Himalaya
