Ba siat Tear Gas haba don lang ki khynnah yn pan kaiphot ka SPCR na ki Pulit bad bor District

Shillong, Risaw 06: Ka Chairperson jong ka State Commission for Protection of Child Rights (SCPCR) ka Kong Ïamon Syiem, ha ka sngi palei ka la hiar da lade ban jurip sha ka jaka ba don ki nonghikai ban ïakhih ha ryngkat ka jingdon lang ki khun jong ki na bynta ban leit jurip ba ka jinglong jingman ha katei ka jaka kan ym ktah ïa ka hok jong ki khynnah kiba don ha kane ka sngi.
Haba kren sha ki lad pathai khubor ka kong Ïamon ka la ong ba na ka liang jong ka commission kan sa pan ïa ka kaiphot halor kane ka bynta na ki bor bor synshar district bad ki bor pulit bad kan sa ïakren ruh ba ki khynah kiba don ha kane ka sngi.
Ka la ong ruh ba a ka liang ka jong ka Commission kin sa ïakren bad kine ki khynnah ban khnang sngewthuh bad ban shim ruh ki lad ki lynti ban ïada ïoh ba kan don kano kano ka jingktah ïa ka bor pyrkhat jong ki na kaei kaba la jia.
Haba kylli kaei kaba ka don ban ong halor ka jingsiat bom sat khmat ki pulit na ka liang ka Kong Ïamon ka la ong ba na ka liang jong ka kam lah ban eiei ïa mynta hynrei “Kaei kaba la jia ha kane ka sngi ïa ki khynnah ha kane ka sngi ka long kaei kaei kaba ngi sngew synei ïa ki” ong ka kong Ïamon.
Kine ki khynnah kidei kiba la wan bud ne synran ïa ki kmie ki kpa kiba dei ki nonghikai ha ka jingïakhih jong ki.