Jowai, Ïaïong 13: Ka Khasi Students’ Union (KSU) Mynksan Unit ha kane ka 12/04/2022 ka la leit ban ïakynduh ïa u Executive Engineer ka PHE (Electrical) Jowai West Jaiñtia Hills halor ka jingsahteng ban pyntrei ïa ka skhim sam um ha ka shnong Mynksan West Jaiñtia Hills District.
La ïathuh da ka seng kumba long mynta la tei tang kawei ka top um la bun bun snem mynta bad ïaki Pipe um ruh la trei tang katto katne ki bynta jong ka shnong wat tang shi pawa ruh ym pat dep la sangeh biang da ki snem.
Halor kane ka KSU Mynksan Unit mynta ka sngi hapoh ka jingïalam u President samla I. Law bad General Secretary samla E. Shadap lem bad ki katto katne ngut ki dkhot kila leit ïakynduh bad u Engineer ba dei peit ïa kane, na ka liang jong u ruh ula kular ha khmat ka seng ban shim khia noh kloi ban phah sdang trei biang ïa u Contractor ba dei ban pyntrei ïa kane ka skhim ha poh kane ka shnong.
Shuh shuh utei u Executive Engineer ula pynsngew ba ïa ki top um dei ban don hynñiew tylli ha kane ka shnong la sah sa tang ban pyndep ïa kane ka kam bad ïa ki jingdonkam la dep pynbiang lut nadong sha dong.
Na ka liang ka seng ka kwah ban ban khia ïa u Contactor ba lada dei ïa kino kino ki jait jingtrei ruh nangne sha khmat dei ban leh kloi ban dep ki kam ym ban pynslem da ki snem nalor ba la biang ki jingdonkam na ka Ophis, pynkut ka kyrwoh ba ka phah da ka seng.
