Arsngi ai por ka HNYF ïa ka Sorkar ban pynsangeh ïa ki jingtei thymmai ha Them Metor

Shillong, Naitung 24: Ka seng Hynniewtrep National Youth Front (HNYF) East Khasi Hills mynta ka sngi, ka la ai por arsngi ïa ka sorkar ban pynsangeh ïa ki jingtei thymai ha Them ïew Mawlong.
Haba kren sha ki lad pathai khubor, u President ka HNYF Shillong City bah Bless Dkhar ula ong ba ka seng ka sngewdiaw halor ka jingmih ki jingtei thymmai ha Them ïew Mawlong kumba paw ha ki lad pathai khubor.
U bah Bless ula ong ba kane ka jingmih ki jingtei thymmai ha Them ïew Mawlong ka long beaiñ namar kane ka jaka ka dang don hapdeng ka jingbishar da ka Meghalaya High Court.
Ula ïathuh ba naka liang ka seng kala dep ban kynduh iaka tnat Shillong Municipal Board (SMB) bad ka MUDA hynrei kim shym la lah ban pynshai halor ka jingmih ki jingtei thymmai Them ïew Mawlong.
“Ka seng ka ai por ar sngi ïa ka sorkar kynthup ïa ka SMB bad MUDA ban pynshai halor kane bad lada ka sorkar kam ban pynshai halor kane, ka seng kan shim da kiwei ki sienjam ba tyngeh kynthup ban ujor daka ejahar” la ong u bah Bless.