Angnud ki longkmie ka Kjatsngi jingkyrmen CLF ban dang kyntiew bad pynmih ki nongïalam, ban ïakhun pyrshah ïa ki jingsniew

Nongpoh, Nailar 12: Ka Kjatsngi Jingkyrmen Cluster Level Federation Women S.H.G Multipurpose Cooperative Society Ltd, Nongbah Myrdon Cluster mynta ka sngi ka la ïoh ban pynlong ïaka jingïalang kaba nyngkong eh ka jong ka haka 1st Annual General Body Meeting naka bynta baroh ki dkhot jong ka ïakaba la pynlong ha Umsning Auditorium Hall.
Kum ban shu pynpaw hangne ba ïa kane ka CLF Ki Kjatsngi Jingkyrmen Cluster Level Federation la seng ha ka 7 tarik Naitung, 2020 daka jing thmu ban kyntiew ïaka jingkoit jingkhiah, ka kamai kajih kaba neh, ka bam ka dih kaba bha, ka pule ka puthi, ka roi ka par, ban ïakhun pyrshah ïaki jingsniew haka imlang ka sahlang, ban pynkup bor ïaki kynthei bad ban pynneh pynsah ïaka mei mariang kiba long ruh kum ki thong jong ka CLF.
Ha kaba sdang nyngkong eh kane ka CLF ka kdup ïaki 5 tylli ki Village Organization kiba kynthup ia ki 61 tylli ki SHG hynrei katba dang ïaid u snem kane ka CLF ka la nangroi ha ki kam bad ka la lah shuh shuh ban kdup ïaki VO bad ïaki SHGs. Haduh Kane ka kynti kaba mynta ba kane ka CLF ka la kynjoh sha ka 3 snem ka la lah ban kdup haduh 199 tylli ki SHGs na ki 14 tylli ki VO bad Ki don haduh 18 tylli ki shnong jong ka thaiñ Umsning kiba don hapoh kane cluster.
Ha Kane ka Annual General Body Meeting kaba nyngkong jong kane ka CLF la wan ban shim bynta daka kong Macdalyne S Mawlong MDC Umsning kum ka kongsan, Raja Brahma Additional Deputy Commissioner ka Ri-Bhoi kum u symbud kongsan haka jingïadonlang da u BDO Umsning C&RD Block u Bah E Lyngdoh, Kong L Malngiang MSRLS SMMU Shillong, Kong Violet Mawlong, President CLF, Bah Rocky Kylla Chairman Umsning Town Dorbar, ki dkhot jong ki SHGs bad ki VO bapher bapher.
Ka Kong Macdalyne S Mawlong MDC Umsning haba kren ha kane ka sngi kala ong ba haki por ba mynshwa ngim ju da kham ïohi ba ki longkmie kin mih shakhmat bad bun na ki longkmie ki sheptieng ban long ki nongïalam ban ïeng haki rynsan hynrei mynta nga da daka mynsiem kaba kmen ban ïohi ba ki longkmie jong ka thaiñ Umsning kin poi shaduh kane ka kyrdan hakaba ki la nang kumno ban kheiñ ban diah ban buh ïaki jingthoh thik pa thik bad wat ban ïeng ha ki rynsan kiba heh ban long kum ki nongïalam naka bynta kiwei pat ki longkmie.
Ka MDC Umsning ka la ai mynsiem ïa baroh ki longkmie ba kin nym sngewrem haba ki sdang ban trei ïa kino kino ki kam la kadei ka ba rit ne ka ba heh namar lada phi kheiñ kor bad burom ïaka kane ka kam shisien ka sngi kan sa siew kylliang da kabab ha.
Shuh shuh ka long ba lada ngi don ha kano kano ka jylli jong ka kam, ngi hap ban mat mut ki jingeh bad kan don ruh ka jingduh nong, hynrei hapeng jong kita ki jingeh bad ki jingduh nong ngim dei ban long kiba rit mynsiem hynrei ngi dei ban nang bteng ban nang pynbha shuh shuh ïaka kam kaba ngi trei bad ngim dei ban ong ba ngim nang, namar ka kyntien kaba ngam nang kadei kaba mih naki briew ki bym mon, ong ka kong Magdalene.