Ai khublei ka seng longkmie ïa ka jingtrei shitom ki pulit ban kem ïa u suba pynïap ïa u heprit

Shillong, Ïaïong 03: Ka seng longkmie jong ka Lum Marboh Nongrah ki la pynpaw ïa ka jingai khublei ïa ki pulit kiba la trei shitom kiba la ïoh ban kem ïa u briew u ba la suba pynïap ïa khynnah Kyrshanbor Kharmudai ha u snem 2025.
Ka Kong Bobina Dhar ka la ong ba kane ka jingjia ka la ktah ïa ka shnong baroh kawei, kum ki riew paidbah ki ai khublei ïa ki pulit kiba shimkhia ïa kane ka kam sniew ha kaba ki la kem ïa u ba ki suba ba pynïap ïa u hep rit.
Ka la ong ba kum ki kmie ka la don ka jingsngewkhia ïa ka jingshngaiñ jong ki khun bad kum ka kynhun ka seng longkmie ka kyntu ïa ki bor sorkar ba kin dang pynkhlaiñ ia ki lad ai jingïada ïa ka imlang sahlang.
Ka Kong Asenla Nongrum, President ka Seng Longkmie jong ka shnong Nongrah ka la ong ba ka jingïoh ban kem ïa u ba la suba donkti ban pynïap ïa u khynnah ka la wan rah ïa ka jingshngaiñ bad ai ka hok kan ïeng, ka la ong ba ka jingjia ka la ktah bad sngewngiew shisha ka la kyntu ïa ki paidbah ban long kiba peitngor bad ban ïatrei lang ba ki bor pulit.
Ka hynmen jong u Kyrshanbor Kharmudai bam kwai ha dwar ublei ka la ong ba haduh mynta kim pat lah ban pdiang ïa kane ka jingjia kaba sngewsih namar ka jingduh ka long kaba khraw bad ka dawa na ki bor ka aiñ ba kin ai ka jingpynshitom kaba dei katkum ka aiñ ïa u ba shah kynnoh ban ïada ïa ki kam sniew ha ki sngi ban dang wan.
Ki paidbah nongshnong shnong ki dawa ban pynïoh ïa ka hok bad ha ka juh ka por ban ai ka jingshong shngaiñ katba ki pulit ki dang ïai bteng ban tohkit bniah ïa kane ka jingjia kaba sngewsih kthang.