Khliehriat, Naitung, 14: Ka Khasi Students Union East Jaiñtia Hills District Unit, lyngba u kyrwoh na u PublicitySecretary, u samla Hamewanpynhun Ryngkhlem, ka phah ïa ka jingai khublei Behdiengkhlam ba suk ba kmen sah baroh ki khun ki hajar jong ka Seiñ Raij Tuber.
“To ai ba kane ka Behdeinkhlam kan beh noh ïa ka khlam, ka dat ka tyr-ud ka smer bad kan warah ïa ka jingïaieid, ka jingïatylli hapdeng u khun bynriew bad kumjuh ban wanrah ïa ka shongsuk shongsaiñ ha shi tyllup ka pyrthei, hooid ïa ka Behdeiñkhlam la pynlong man la u snem bad la ïohi ruh ba ka nangïar bad nangïar na kawei ka por sha kawei ka por,” ong u kyrwoh.
“To u Blei kynrad Nongbuh Nongthaw un ri un da ïa ka ri bad ka jaidbynriew jong ngi ba ngin ioh ban ïa roi parum pareh na kawei ka pateng sha kawei ka pateng. Ai ba kane ka lehniam kaba shisien shi snem, kan da long kaba phuh ba phieng, kaba shongkun, shong Blei, ha kaba u ‘U Tre-Kirot Kynrad, ki Blai ki Syiem” kin hiar ryngkat ka kyrkhu Blei ki ban dap miar da ka jingsuk, jingkmen, jingpalei bad ba dap da ka jingieit, ha ka juh ka por ba Un ïai ri un ïai sumar sukher kyndong bad ban pynthiah pyndem sharud sha kiar ïa ka khlam ka ngoh” pynkut u kyrwoh na ka KSU East Jaiñtia Hills District.
